ഭോപ്പാല്‍: മധ്യപ്രദേശില്‍ കര്‍ഷക പ്രതിഷേധത്തിനുനേരെ പൊലിസ് നടത്തിയ വെടിവയ്പ്പിനെ തുടര്‍ന്ന് മരിച്ചവരുടെ എണ്ണം ആറായി. സംസ്ഥാനത്ത് പ്രതിഷേധം ശക്തമാവുകയാണ്. ബുധനാഴ്ച പ്രതിഷേധക്കാര്‍ നിരവധി വാഹനങ്ങള്‍ക്ക് തീയിട്ടു.

കഴിഞ്ഞ ദിവസം നടത്തിയ വെടിവയ്പ്പില്‍ നിരവധിപേര്‍ക്ക് പരുക്കേറ്റിരുന്നു.

വരള്‍ച്ചയെ തുടര്‍ന്ന് പ്രതിസന്ധിയിലായ കാര്‍ഷിക മേഖലക്ക് അടിയന്തര ധനസഹായം നല്‍കുക, കാര്‍ഷികോല്‍പ്പന്നങ്ങള്‍ക്ക് ഉയര്‍ന്ന വില ലഭ്യമാക്കുക തുടങ്ങിയ ആവശ്യങ്ങള്‍ ഉന്നയിച്ച് മധ്യപ്രദേശ് തലസ്ഥാനമായ ഭോപ്പാലില്‍ നിന്ന് 350 കി.മീറ്റര്‍ അകലെയുള്ള മന്ദസൂര്‍ ജില്ലയില്‍ നടത്തിയ കര്‍ഷകരുടെ പ്രതിഷേധത്തിനുനേരെയാണ് വെയിവയ്പ്പുണ്ടായത്.