കൊണ്ടോട്ടി: നിയന്ത്രണം വിട്ട ടിപ്പര്‍ലോറി ആളൊഴിഞ്ഞ് കെട്ടിടത്തിലേക്ക് പാഞ്ഞുകയറി െ്രെഡവര്‍ക്ക് പരുക്കേറ്റു. കഴിഞ്ഞദിവസം രാത്രി പാലക്കാട് ദേശീയപാതയില്‍ കൊണ്ടോട്ടിക്ക് സമീപം കുറുപ്പത്താണ് അപകടം. മറ്റൊരു വാഹനത്തിലിടിച്ച് നിയന്ത്രണം വിട്ട ലോറി കെട്ടിടത്തിലേക്ക് പാഞ്ഞുകയറുകയായിരുന്നു.
സംഭവത്തില്‍ പരുക്കേറ്റ ലോറി െ്രെഡവര്‍ പ്രകാശനെ കോഴിക്കോട് മെഡിക്കല്‍ കോളജാശുപത്രിയില്‍ പ്രവേശിപ്പിച്ചു. ഇടിയുടെ ആഘാതത്തില്‍ ലോറി ചുമര്‍ തകര്‍ത്ത് കെട്ടിടത്തിനകത്തേക്ക് കയറി. വാഹനത്തിന്റെ െ്രെഡവര്‍ കാബിന്‍ പൂര്‍ണമായി കെട്ടിടത്തിനകത്തെത്തിയിരുന്നു. ആളൊഴിഞ്ഞ കെട്ടിടമായതിനാല്‍ വലിയ അപകടം ഒഴിവായി. അപകടത്തില്‍ ലോറിയുടെ മുന്‍ഭാഗവും കെട്ടിടത്തിന്റെ ഒരു ഭാഗവും പൂര്‍ണമായി തകര്‍ന്നു.അപകടത്തില്‍പ്പെട്ട ടിപ്പര്‍ വടകരയിലുളളതാണ് പൊലിസ് പറഞ്ഞു.