മാനഭംഗശ്രമം; രണ്ടു ഇതര സംസ്ഥാനക്കാര് പിടിയില്
വണ്ടൂര്: പ്ലസ്വണ് വിദ്യാര്ഥിനിയായ പതിനഞ്ചുകാരിയെ പട്ടാപ്പകല് റോഡില് വച്ച് മാനഭംഗപെടുത്താന് ശ്രമിച്ച രണ്ട് ഇതര സംസ്ഥാന തൊഴിലാളികള് പിടിയില്. ഉത്തര് പ്രദേശിലെ ഷാരന്പൂര് ജില്ലയിലെ ദേവിലാല് ഗ്രാമത്തിലെ മുഹമ്മദ് മോനിസ്(22), ബന്ധുവും സുഹൃത്തുമായ നവാസലി(20) എന്നിവരെയാണ് വണ്ടൂര് സി.ഐ എ.ജെ ജോണ്സന്റെ നേതൃത്വത്തിലുള്ള പൊലിസ് അറസ്റ്റ് ചെയ്തത്. കഴിഞ്ഞ തിങ്കളാഴ്ച എടവണ്ണ പത്തപ്പിരിയം നെല്ലാണി റോഡില് വച്ചാണ് ഇവര് പെണ്കുട്ടിയെ പീഡിപ്പിക്കാന് ശ്രമിച്ചത്. ഉച്ചക്ക് ഒരു മണിയോടെ ക്ലാസ് കഴിഞ്ഞ് റോഡിലൂടെ നടന്നു വരികയായിരുന്ന പെണ്കുട്ടിയെ മോനിസ് കയറിപിടിക്കുകയായിരുന്നു.
കൈകള് പുറകോട്ട് വലിച്ചു പിടിക്കുന്നതിനിടെ ഇതു വഴി വന്ന ബൈക്ക് യാത്രികനെ കണ്ട് ഇവര് ഓടി രക്ഷപെട്ടു. മൂന്നു മാസം മുന്പ് കേരളത്തിലെത്തിയ മോനിസ് സഹോദരന്റെ കൂടെ പത്തപ്പിരിയത്തെ ഫര്ണിച്ചര് ഷെഡില് ജോലി ചെയ്യുകയാണ്. മൂന്നാഴ്ച്ച മുന്പാണ് നവാസലി സംസ്ഥാനത്തെത്തിയത്. താഴെ കോഴിപ്പറമ്പിലെ ഒരു ഇന്ഡസ്ട്രിയലില് ജോലി ചെയ്ത് വരുന്ന ഇരുവരും പത്തപ്പിരിയത്തെ വാടക ക്വാര്ട്ടേഴ്സില് ഒരുമിച്ചാണ് താമസം. പ്രതികളെ കോടതിയില് ഹാജരാക്കി റിമാന്ഡ് ചെയ്തു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."