മുല്ലശ്ശേരി: ഹര്‍ത്താലില്‍ മുല്ലശ്ശേരി പെട്രോള്‍ പമ്പില്‍ നിറുത്തിയിട്ടിരുന്ന രണ്ട് ബസുകളുടെ ഗ്ലാസുകള്‍ തകര്‍ത്ത നിലയില്‍.
മണലൂര്‍ ഉണ്ണികൃഷ്ണന്റെ ഉടമസ്ഥതയിലുള്ള തൃശൂര്‍ കാഞ്ഞാണി ചാവക്കാട് റൂട്ടില്‍ സര്‍വിസ് നടത്തുന്ന ബൂവനേശ്വര്‍ ബസുകളുടെ മുന്‍വശത്തെ ഗ്ലാസുകളാണ് തകര്‍ത്തത്. ഹര്‍ത്താല്‍ തലേന്ന് പെട്രോള്‍ പമ്പില്‍ പാര്‍ക്ക് ചെയ്തിരുന്ന ബസ് ഹര്‍ത്താല്‍ കഴിഞ്ഞ് പിറ്റേന്ന് പുലര്‍ച്ചെ ബസുകള്‍ എടുക്കാനായി എത്തിയപ്പോഴാണ് ഗ്ലാസുകള്‍ തകര്‍ന്ന നിലയില്‍ ബസുകള്‍ കണ്ടത്. പെട്രോള്‍ പമ്പിലെ സി.സി.ടി.വി പരിശോധിച്ചാല്‍ പ്രതികളെ പിടികൂടാനാവുമെന്ന് കരുതുന്നു. പാവറട്ടി പൊലിസ് കേസെടുത്ത് അന്വേഷണം ആരംഭിച്ചു.