വടക്കാഞ്ചേരി: പഞ്ചാരിമേളത്തില്‍ വിസ്മയ നാദം തീര്‍ത്ത് നാലാം ക്ലാസ് വിദ്യാര്‍ഥിനി ആര്‍ദ്ര.
വിജയദശമി ദിനത്തില്‍ മാരിയമ്മന്‍ കോവിലില്‍ വച്ചായിരുന്നു മേള. നൂറു കണക്കിനു കാണികളുടെ മുന്‍പില്‍ തികഞ്ഞ കൈവഴക്കത്തോടെയാണു കൊച്ചു മിടുക്കി മേളം കൊട്ടിക്കയറിയത്. കഴിഞ്ഞ ഒരു വര്‍ഷമായി കലാമണ്ഡലം വിജേഷിന്റെ കീഴിലാണ് ചെണ്ട അഭ്യസിച്ചത്.
അകമല ഭാരതീയ വിദ്യാഭവന്‍ സ്‌കൂളിലെ നാലാം ക്ലാസ് വിദ്യാര്‍ഥിനിയാണ്. ചെറിയ പ്രായത്തില്‍ ചെണ്ടമേളത്തില്‍ മിന്നുന്ന പ്രകടനം കാഴ്ച വച്ച ആര്‍ദ്ര ഇപ്പോള്‍ നാട്ടിലെ താരമാണ്.
മൃദംഗവും അഭ്യ സിച്ചു വരുന്നു ആര്‍ദ്ര. വടക്കാഞ്ചേരി സ്വദേശിയായ മൃദംഗ വിദ്വാന്‍ മനോജിന്റെയും സുചിത്രയുടേയും മകളാണ്. അദ്വിത് ശിവയാണ് സഹോദരന്‍.