കല്‍പ്പറ്റ: റോഡ് സുരക്ഷാ മേഖലയിലെ മാതൃകാ പ്രവര്‍ത്തനങ്ങള്‍ക്ക് കല്‍പ്പറ്റ പൗരസമിതി നല്‍കുന്ന പ്രഥമ റോഡ് സേഫ്റ്റി അവാര്‍ഡ് കല്‍പ്പറ്റ ഫോട്ടോവേള്‍ഡ് ഉടമ കെ.പി ഹരിദാസ് സി.കെ ശശീന്ദ്രന്‍ എം.എല്‍.എയില്‍ നിന്നും ഏറ്റുവാങ്ങി. മുപ്പത് വര്‍ഷത്തോളമായി ഫോട്ടോഗ്രഫി രംഗത്ത് പ്രവര്‍ത്തിക്കുന്ന ഹരിദാസ് കഴിഞ്ഞ പത്തു വര്‍ഷമായി റോഡ് സുരക്ഷാ പ്രവര്‍ത്തന രംഗത്ത് സജീവമാണ്.
റോഡപകട ദൃശ്യങ്ങളുടെ ആയിരത്തിലധികം ഫോട്ടോകള്‍ ഉള്‍പ്പെടുത്തി നടത്തുന്ന ജാഗ്രത ഫോട്ടോപ്രദര്‍ശനം ഇതിനോടകം 110 വേദികളില്‍ പിന്നിട്ടു.
മോട്ടോര്‍ വാഹന വകുപ്പിന്റെ ഫോട്ടോഗ്രഫി അംബാസിഡര്‍ പുരസ്‌കാരം, ജനജാഗ്രത അവാര്‍ഡ്, നഗരശ്രീ അവാര്‍ഡ്, ഡബ്ല്യു.ടി.ഒ അവാര്‍ഡ്, ഗുഡ്‌വില്‍ അംബാസിഡര്‍ , വൈസ്‌മെന്‍ ഇന്റര്‍നാഷണല്‍ അവാര്‍ഡ്, കുടുംബശ്രീ അവാര്‍ഡുകള്‍ തുടങ്ങി 34 അവാര്‍ഡുകള്‍ ലഭിച്ചിട്ടുണ്ട്. പരിപാടിയില്‍ മൂസ ഗൂഡലായി അധ്യക്ഷനായി.
സിനിമ താരം അബുസലീം, അഡ്വ. സാദിഖ് മുഹമ്മദ്, സി.പി ഉമ്മര്‍, സി.പി റഹീസ്, ഏച്ചോം ഗോപി, വന്ദന ഷാജു സംസാരിച്ചു