വെങ്ങപ്പള്ളി: കേരളീയ സമൂഹത്തിന് സമാധാനത്തിന്റെ വഴികാണിച്ച ശാന്തിയുടെ ദൂതനായിരുന്നു പാണക്കാട് മുഹമ്മദലി ശിഹാബ് തങ്ങളെന്ന് കേരള ഹജ്ജ് കമ്മിറ്റി ചെയര്‍മാന്‍ കോട്ടുമല ടി.എം ബാപ്പു മുസ്‌ലിയാര്‍ പ്രസ്താവിച്ചു.
വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമിയില്‍ ശിഹാബ് തങ്ങള്‍ അനുസ്മരണ ചടങ്ങ് ഉദ്ഘാടനം ചെയ്തു സംസാരികുകയായിരുന്നു അദ്ദേഹം. സമസ്ത കേന്ദ്ര മുശാവറ അംഗം വി മൂസക്കോയ മുസ്‌ലിയാര്‍ അധ്യക്ഷനായി. എം.എസ്.എഫ് സംസ്ഥാന ജനറല്‍ സെക്രട്ടറി എം.പി നവാസ് അനുസ്മരണ പ്രഭാഷണം നടത്തി.
അബ്ദുസമദ് പൂക്കോട്ടൂര്‍, പിണങ്ങോട് അബൂബക്കര്‍, എസ് മുഹമ്മദ് ദാരിമി, എം.എം ഇമ്പിച്ചിക്കോയ മുസ്‌ലിയാര്‍, എം ഹസന്‍ മുസ്‌ലിയാര്‍, നാസര്‍ മൗലവി, പനന്തറ മുഹമ്മദ്, ജഅ്ഫര്‍ ഹൈതമി, ടി.സി അലി മുസ്‌ലിയാര്‍, ഉസ്മാന്‍ കാഞ്ഞായി, പി.സി ഇബ്രാഹിം ഹാജി, എ.കെ സുലൈമാന്‍ മൗലവി സംബന്ധിച്ചു. ഇബ്രാഹീം ഫൈസി പേരാല്‍ സ്വാഗതവും ഹാരിസ് ബാഖവി കമ്പളക്കാട് നന്ദിയും പറഞ്ഞു.