കൊണ്ടോട്ടി: ഹര്‍ത്താല്‍ ദിനം കൊണ്ടോട്ടി കാരുണ്യ കൂട്ടായ്മ പ്രവര്‍ത്തകര്‍ കാരുണ്യ പ്രവര്‍ത്തനത്തിനിറങ്ങി . റോഡരികിലും കടത്തിണ്ണയിലും മറ്റും അനാഥരായി കഴിയുന്നവരെ കണ്ടെത്തി ഭക്ഷണവും പുതുവസ്ത്രങ്ങളും നല്‍കി.
വൃത്തിഹീനമായി നടന്നവരെ തലമുടി വെട്ടി നല്‍കി പ്രവര്‍ത്തകര്‍ ഹര്‍ത്താല്‍ ദിനം സജീവമാക്കിയത്. രാവിലെ ഒന്‍പതിന് കൊണ്ടോട്ടിയില്‍നിന്നു തുടങ്ങിയ സന്നദ്ധ പ്രവര്‍ത്തനം വൈകിട്ട് നാലിന് മണ്ണാര്‍ക്കാട്ട് അവസാനിച്ചു.
കൊണ്ടോട്ടി, മഞ്ചേരി, മലപ്പുറം, കൂട്ടിലങ്ങാടി, രാമപുരം, പെരിന്തല്‍മണ്ണ, മണ്ണാര്‍ക്കാട് ഭാഗങ്ങളിലൂടെ സഞ്ചരിച്ച് 28 പേര്‍ക്കാണ് ഇവര്‍ സാന്ത്വനമേകിയത്. കൂട്ടായ്മ പ്രവര്‍ത്തകരായ ചുണ്ടക്കാടന്‍ മുഹമ്മദ് മഹ്‌സൂം, പി.പി അബ്ദുല്‍ മജീദ് നീറാട്, യഅ്ഖൂബ് മുസ്‌ലിയാരങ്ങാടി, കക്കാട്ട്ചാലി ഹനീഫ നേതൃത്വം നല്‍കി.