പാരിസ്: ഐ.എസുകാര്‍ ദേവാലയത്തില്‍ കഴുത്തറുത്തു കൊന്ന പുരോഹിതന്റെ സംസ്‌കാര ചടങ്ങുകള്‍ നടന്നു. ആയിരങ്ങളാണ് ഫാ.ജാക്വിസ് ഹാമെലിന് യാത്രാമൊഴി നല്‍കാനെത്തിയത്. നോര്‍മണ്ടിയിലെ റോയേന്‍ കത്തീഡ്രലിലാണ് ഐ.എസ് തീവ്രവാദികള്‍ കുര്‍ബാനയ്ക്കിടെ ഫാ.ജാക്വിസിന്റെ കഴുത്തറുത്തത്.

സിറ്റി ആര്‍ച്ച് ബിഷപ്പിന്റെ നേതൃത്വത്തിലുള്ള പൊതു അന്ത്യശുശ്രൂഷകള്‍ക്ക് ശേഷം സ്വകാര്യ ശ്മശാനത്തില്‍ കബറടക്കി. ഫ്രഞ്ച് ആഭ്യന്തര മന്ത്രി ബെര്‍നാഡ് കാസിനോവ, മുതിര്‍ന്ന കത്തോലിക്കാ പുരോഹിതര്‍ എന്നിവര്‍ ചടങ്ങുകളില്‍ സംബന്ധിച്ചു. അള്‍ജീരിയയില്‍ സൈനിക ഓഫിസറായിരുന്നു കൊല്ലപ്പെട്ട പുരോഹിതന്‍. പുരോഹിതനെ കൊലപ്പെടുത്തിയ 19 കാരായ രണ്ടു യുവാക്കളെ പൊലിസ് വെടിവച്ചുകൊന്നു.