നായന്മാര്‍മൂല: മത-സാമൂഹ്യ-രാഷ്ട്രീയ നേതാവ് എന്നതിലുപരി മാപ്പിള കലകളെ ഏറെ സ്‌നേഹിച്ച ആസ്വാദകന്‍ കൂടിയായിരുന്നു ഇന്നലെ വിട പറഞ്ഞ പി.ബി അബ്ദുല്‍ റാസാഖ് എം.എല്‍.എ. മാപ്പിളപ്പാട്ടിനെയും ദഫ്മുട്ടിനെയും പ്രോത്സാഹിപ്പിക്കുകയും സ്‌നേഹിക്കുകയും ചെയ്തിരുന്നു. പല കല്യാണ വീടുകളിലും പഴയകാല പാട്ടുകാര്‍ക്കൊപ്പം ചേര്‍ന്ന് മാലപ്പാട്ടുകളും പടപ്പാട്ടുകളും കൈമുട്ടിപ്പാട്ടുകളും പാടുന്നത് അദേഹത്തിന് എന്നും ഹരമായിരുന്നു. ഏതെങ്കിലും കല്യാണ വീടുകളിലോ മറ്റു മത വേദികളിലോ ദഫ് മുട്ട് കണ്ടാല്‍ ഉടന്‍ തന്നെ അവരോടപ്പം ദഫ്മുട്ടിയും പാട്ടുകള്‍ പാടിയും പ്രോത്സാഹിപ്പിച്ചിരുന്നു. അദ്ദേഹം പാടിയ ഒരു പാട്ട് മാസങ്ങള്‍ മുന്‍പ് നവ മാധ്യമങ്ങളില്‍ വൈറലായിരുന്നു.