കണ്ണൂര്‍: കണ്ണൂര്‍ താലൂക്കില്‍ 12ന് എ.ആര്‍.ഡി 151-റേഷന്‍ കടയ്ക്ക് സമീപം (തെക്കന്‍മാര്‍ക്കണ്ടി കച്ചേരിപ്പാറ), 278-എം.എസ് സ്മാരക വായനശാല അടുത്തില, 209-ജി.എം.യു.പി.സ്‌കൂള്‍, മാടായി, 245-മദ്‌റസ ഹാള്‍, തെക്കുമ്പാട്, 122-റേഷന്‍ കടയ്ക്ക് സമീപം (ചെട്ടിപ്പീടിക), 13ന് എ.ആര്‍.ഡി 259-എ.എം.സി.സി വായനശാല റഹ്മാനിയ പളളിക്ക് സമീപം, അത്തായക്കുന്ന്, 279-റേഷന്‍ കടയ്ക്ക് സമീപം (ഇടച്ചേരി), 111-പഞ്ചായത്ത് കമ്മ്യൂണിറ്റി ഹാള്‍, കക്കാട്, 142-വളപട്ടണം സര്‍വിസ് കോ-ഓപ്പറേറ്റിവ് ബാങ്ക് ഓഡിറ്റോറിയം, 44-എളയാവൂര്‍ വില്ലേജ് ഓഫിസിന് മുന്‍വശം എന്നിവിടങ്ങളില്‍ പുതിയ റേഷന്‍ കാര്‍ഡുകള്‍ വിതരണം ചെയ്യും. രാവിലെ 9.30 മുതല്‍ വൈകിട്ട് അഞ്ചുമണി വരെയാണ് കാര്‍ഡ് വിതരണം. പുതിയ റേഷന്‍ കാര്‍ഡ് വാങ്ങിക്കുന്നതിന് കാര്‍ഡുടമ പഴയ റേഷന്‍കാര്‍ഡും തിരിച്ചറിയല്‍ കാര്‍ഡും സഹിതം ഹാജരാകണം. കാര്‍ഡുടമക്ക് നേരിട്ട് ഹാജരാകാന്‍ സാധിക്കാത്ത അവസരത്തില്‍ ഉടമയുടെ സമ്മതപത്രം വാങ്ങി കാര്‍ഡിലെ മറ്റൊരംഗം തിരിച്ചറിയല്‍ രേഖയുമായി ഹാജരാകണം. മുന്‍ഗണനാ വിഭാഗം കാര്‍ഡുകള്‍ക്ക് 50 രൂപയും മുന്‍ഗണനേതര കാര്‍ഡുകള്‍ക്ക് 100 രൂപയുമാണ് വില. മുന്‍ഗണനാ വിഭാഗത്തില്‍പെട്ട പട്ടികവര്‍ഗത്തിന് റേഷന്‍കാര്‍ഡ് സൗജന്യമാണ്. പുതിയ റേഷന്‍കാര്‍ഡില്‍ തെറ്റുകള്‍ വന്നിട്ടുണ്ടെങ്കില്‍ ജൂലൈ മുതല്‍ താലൂക്ക് സപ്ലൈ ഓഫിസില്‍ അപേക്ഷ നല്‍കി പരിഹരിക്കാം. റേഷന്‍ സാധനങ്ങള്‍ ആവശ്യമില്ലെങ്കില്‍ കാര്‍ഡ് വിതരണം ചെയ്യുന്ന കൗണ്ടറില്‍ നിന്ന് നിര്‍ദിഷ്ട അപേക്ഷാ ഫോറം വാങ്ങി കൗണ്ടറില്‍ തന്നെ അപേക്ഷ സമര്‍പ്പിക്കണം.