ഫിറോസാബാദ്: സ്‌കൂള്‍ വിദ്യാര്‍ഥിനികളെ ലൈംഗികമായി പീഡിപ്പിക്കാന്‍ ശ്രമിച്ച അക്രമികളെ ചെറുത്ത പ്രമുഖ ഉര്‍ദു കവിക്കുനേരെ ആസിഡ് ആക്രമണം. ഉത്തര്‍പ്രദേശിലെ ഫിറോസാബാദിലാണ് ഉര്‍ദു കവി ഹാഷിം ഫിറോസാബാദിക്കുനേരെ ആക്രമണമുണ്ടായത്. ശരീരത്തില്‍ ആസിഡ് ഒഴിക്കുകയും അദ്ദേഹത്തെ അക്രമികള്‍ മര്‍ദിക്കുകയും ചെയ്തു.
ചില അക്രമികള്‍ തുടര്‍ച്ചയായി പെണ്‍കുട്ടികളെ ശല്യം ചെയ്യുന്നത് കണ്ടതോടെ കുട്ടികളുടെ രക്ഷിതാക്കളെ കണ്ട് ഇക്കാര്യം അറിയിച്ചിരുന്നു. ഇതേതുടര്‍ന്ന് രക്ഷിതാക്കള്‍ അക്രമികള്‍ക്കുനേരെ പരാതി നല്‍കി. ഇതാണ് ആക്രമണത്തിന് കാരണമായത്.