ചക്കരക്കല്‍: കാവിന്‍മൂല കനാലില്‍ മാലിന്യം തള്ളുന്നത് പതിവാകുന്നു. അറവു മാലിന്യങ്ങളും കടകളിലും ഹോട്ടലുകളില്‍ നിന്നുള്ള മാലിന്യങ്ങളും രാത്രികാലങ്ങളില്‍ വാഹനങ്ങളില്‍ കൊണ്ടുവന്നു തള്ളുന്നത് സമീപവാസികള്‍ക്ക് ആരോഗ്യപ്രശ്‌നങ്ങള്‍ക്കും കാരണമാക്കുന്നുണ്ട്. പാളയം റോഡരികിലുള്ള കനാല്‍ പരിസരത്താണ് അഞ്ചരക്കണ്ടി ഹയര്‍സെക്കന്‍ഡറി സ്‌കൂള്‍, വയോജന വിശ്രമകേന്ദ്രം, വില്ലേജ് ഓഫിസ് എന്നിവ പ്രവര്‍ത്തിക്കുന്നത്. കനാലിലെ മാലിന്യം തള്ളലിനെതിരേ നടപടി വേണമെന്നാണ് പ്രദേശവാസികളുടെ ആവശ്യം.