പരപ്പനങ്ങാടി: നവതി ആഘോഷിക്കുന്ന ബി.ജെ.പിയുടെ മുതിര്‍ന്ന നേതാവും എം.എല്‍.എയുമായ ഒ. രാജഗോപാലിന് മലപ്പുറത്തിന്റെ ആദരവൊരുങ്ങുന്നു. 26ന് പരപ്പനങ്ങാടി റെയില്‍വേ സ്‌റ്റേഷന്‍ പരിസരത്ത് നടക്കുന്ന പരിപാടിക്ക് ഒരുക്കങ്ങളായി. വൈകിട്ട് നാലിന് നടക്കുന്ന പരിപാടി നിയമസഭാ സ്പീക്കര്‍ പി.ശ്രീരാമകൃഷ്ണന്‍ ഉദ്ഘാടനം ചെയ്യും. ബി.ജെ.പി സംസ്ഥാന ജനറല്‍ സെക്രട്ടറി എം.ടി രമേശ്, ദേശീയ നിര്‍വാഹക സമിതിയംഗം സി.കെ പത്മനാഭന്‍, ഇ.ടി മുഹമ്മദ് ബഷീര്‍ എം.പി, പി.കെ അബ്ദുറബ്ബ് എം.എല്‍.എ, മുന്‍ മന്ത്രി ആര്യാടന്‍ മുഹമ്മദ്, നഗരസഭാ ചെയര്‍പേഴ്‌സണ്‍ വി.വി ജമീല, എന്‍. ശിവരാജന്‍, കെ.പി.സി.സി അംഗം സി.പി ബാലകൃഷ്ണമേനോന്‍, കെ.പി നന്ദകുമാര്‍, അബൂബക്കര്‍ ചേങ്ങാട്ട്, മലബാര്‍ ബാവ, എന്‍.വി ഗോപാലകൃഷ്ണന്‍, അബ്ദുറസാഖ് മണരിക്കല്‍, മുഹമ്മദലി ഹാജി, കുമാരി സുകുമാരന്‍, കെ.സി വേലായുധന്‍ തുടങ്ങിയവര്‍ പങ്കെടുക്കും. എം. പ്രേമന്‍ ജനറല്‍ കണ്‍വീനറും കെ. രാമചന്ദ്രന്‍ ചെയര്‍മാനുമായി വിപുലമായ സ്വാഗതസംഘം രൂപീകരിച്ചിട്ടുണ്ട്.