കൊടുങ്ങല്ലൂര്‍: കുളത്തില്‍ വൃദ്ധ മുങ്ങിത്താഴ്ന്നപ്പോള്‍ പഞ്ചായത്ത് പ്രസിഡന്റും സഹകരണ ബാങ്ക് പ്രസിഡന്റും തിരച്ചിലിനിറങ്ങി.
എടവിലങ്ങ് പഞ്ചായത്ത് പ്രസിഡന്റും സി.പി.എം നേതാവുമായ എ.പി ആദര്‍ശും എടവിലങ്ങ് സഹകരണ ബാങ്ക് പ്രസിഡന്റും ബി.ജെ.പി കൈപ്പമംഗലം മണ്ഡലം പ്രസിഡന്റുമായ പി.എസ് അനില്‍കുമാറുമാണ് രക്ഷാപ്രവര്‍ത്തനത്തിനു നേതൃത്വം നല്‍കിയത്.എടവിലങ്ങ് മാടത്തിങ്കല്‍ കുഞ്ഞിക്കിട്ടന്റെ ഭാര്യ സരസ്വതി (79)നെ വീട്ടുമുറ്റത്തെ കുളത്തില്‍ കാണാതാവുകയായിരുന്നു. സംഭവമറിഞ്ഞെത്തിയ എ.പി ആദര്‍ശിന്റെയും, പി.എസ് അനില്‍കുമാറിന്റെയും നേതൃത്വത്തില്‍ നാട്ടുകാര്‍ രക്ഷാപ്രവര്‍ത്തനത്തിനിറങ്ങുകയായിരുന്നു. ഫയര്‍ഫോഴ്‌സ് എത്തും മുന്‍പെ ഇവരുടെ നേതൃത്വത്തില്‍ മൃതദേഹം കരയ്‌ക്കെടുത്തു.