ബഗ്ദാദ്: ഇറാഖിലെ മൊസൂളില്‍ കാര്‍ബോംബ് സ്‌ഫോടനത്തില്‍ നാലു പേര്‍ കൊല്ലപ്പെട്ടു. 15 പേര്‍ക്ക് പരുക്കേറ്റതായും പൊലിസ് പറഞ്ഞു.

തിരക്കേറിയ വടക്കന്‍ ഇറഖീ നഗരമായ ഖ്വയ്യാറയില്‍ ഒരു റസ്റ്ററന്റിനു മുമ്പില്‍ നിര്‍ത്തിയിട്ട കാറാണ് പൊട്ടിത്തെറിച്ചത്. മരണസംഖ്യ ഉയരാന്‍ സാധ്യതയുണ്ടെന്ന് ആരോഗ്യമന്ത്രാലയം അറിയിച്ചു.

ആക്രമണത്തിന്റെ ഉത്തരവാദിത്തം ഉടനെ ആരും ഏറ്റെടുത്തിട്ടില്ല.

നീണ്ട കാലത്തിനു ശേഷമാണ് ഇറാഖില്‍ ഇത്തരമൊരു സംഭവമുണ്ടാകുന്നത്.

ഐ.എസിന്റെ പിടിയിലായിരുന്ന ഇറാഖിനെ 2017 ഡിസംബറില്‍ സൈന്യം മോചിപ്പിച്ചിരുന്നു.