മാഞ്ചസ്റ്റര്‍: ആസ്‌ത്രേലിയക്കെതിരായ നാലാം ആഷസ് ടെസ്റ്റിനുള്ള ഇംഗ്ലീഷ് ടീമിനെ പ്രഖ്യാപിച്ചു. പരുക്ക് കാരണം പുറത്തിരിക്കുന്ന ജെയിംസ് ആന്‍ഡേഴ്‌സനെ ഇനിയുള്ള രണ്ട് കളികളില്‍ നിന്നും ഒഴിവാക്കിയാണ് അവസാന 13 അംഗ ടീമിനെ പ്രഖ്യാപിച്ചത്. പകരം, സോര്‍സെറ്റിന്റെ ക്രെയ്ഗ് ഓവര്‍ട്ടനെ ടീമിലെടുത്തു. ഫോം വീണ്ടെടുക്കാന്‍ പ്രയാസപ്പെടുന്ന ജേസന്‍ റോയിയെ ടീമില്‍ നിലനിര്‍ത്തി.
2017-18 ആഷസ് പരമ്പരയില്‍ അരങ്ങേറ്റം കുറിച്ച ക്രെയ്ഗ് ഓവര്‍ട്ടന്‍ അന്ന് നായകനായിരുന്ന സ്റ്റീവ് സ്മിത്തിനെ പുറത്താക്കിയാണ് വരവറിയിച്ചത്. ഇതുവരെ രണ്ട് ടെസ്റ്റുകളിലാണ് ഇംഗ്ലണ്ടിന് വേണ്ടി പന്തെറിഞ്ഞത്.