തേഞ്ഞിപ്പലം: 'വിശ്വശാന്തിക്ക് മതവിദ്യ' എന്ന പ്രമേയത്തില്‍ ഡിസംബര്‍ 27, 28, 29 തിയതികളില്‍ കൊല്ലം ആശ്രമ മൈതാനിയില്‍ നടക്കുന്ന സമസ്ത കേരള ജംഇയ്യത്തുല്‍ മുഅല്ലിമീന്‍ അറുപതാം വാര്‍ഷിക സമ്മേളനത്തിന്റെ പ്രചാരണത്തിന് വിവിധ പദ്ധതികള്‍ക്ക് രൂപം നല്‍കി. റെയ്ഞ്ച്തല സാരഥീസംഗമം, മദ്‌റസാ മഹല്ല്, ഏരിയകളില്‍ ബാനര്‍, ബോര്‍ഡ് സ്ഥാപിക്കല്‍, ചുമരെഴുത്ത്, നഗരങ്ങളില്‍ സമ്മേളന പന്തല്‍ നിര്‍മാണം എന്നിവ സെപ്റ്റംബറിലും മദ്‌റസാ സമ്മേളനം, ഗൃഹസമ്പര്‍ക്കം, കൈപ്പുസ്തക വിതരണം, വിഭവ സമാഹരണം, ക്യാംപില്‍ പങ്കെടുക്കുന്ന പ്രതിനിനിധികളുടെ ഓണ്‍ലൈന്‍ രജിസ്േ്രടഷന്‍, തെക്കന്‍ മേഖലാ, വടക്കന്‍ മേഖലാ സന്ദേശ യാത്രകള്‍ നവംബറിലും പതാകദിനം, കമാനം സ്ഥാപിക്കല്‍, റെയ്ഞ്ച്തല പദയാത്ര, ജില്ലാ വാഹനജാഥ ഡിസംബറിലും നടത്തുവാന്‍ സ്വാഗതസംഘം ജനറല്‍ കണ്‍വീനര്‍ ഡോ.ബഹാഉദ്ദീന്‍ മുഹമ്മദ് നദ്‌വിയുടെ അധ്യക്ഷതയില്‍ ചേര്‍ന്ന യോഗം തീരുമാനിച്ചു.
എം.എം മുഹ്‌യുദ്ദീന്‍ മൗലവി ആലുവ, വാക്കോട് മൊയ്തീന്‍കുട്ടി ഫൈസി, കെ.കെ ഇബ്‌റാഹീം മുസ്‌ലിയാര്‍, ടി. മൊയ്തീന്‍ മുസ്‌ലിയാര്‍ പുറങ്ങ്, പി.ഹസൈനാര്‍ ഫൈസി കോഴിക്കോട്, അബ്ദുസ്വമദ് മുട്ടം, അബ്ദുല്‍ ഖാദര്‍ അല്‍ ഖാസിമി വെന്നിയൂര്‍, എം.എ ചേളാരി, ഹംസ റഹ്മാനി കൊണ്ടിപറമ്പ് സംസാരിച്ചു. കണ്‍വീനര്‍ കൊടക് അബ്ദുറഹിമാന്‍ മുസ്‌ലിയാര്‍ സ്വാഗതവും കെ.ടി ഹുസൈന്‍ കുട്ടി മൗലവി നന്ദിയും പറഞ്ഞു.