ചാവക്കാട്: ദേശീയ പാത!യില്‍ ബൈക്കുകുള്‍ കൂട്ടിയിടിച്ച് എല്‍.കെ.ജി വിദ്യാര്‍ത്ഥിക്കും പിതാവിനും പരുക്ക്. പുത്തന്‍കടപ്പുറം ചെങ്കോട്ട നഗര്‍ ആലി ഷൗക്കത്ത് (37), മകള്‍ ഷഹദ ഷെറിന്‍ (നാല്), പെരുവല്ലൂര്‍ സ്വദേശി വടക്കത്ത് ധനുഷ് (27) എന്നിവര്‍ക്കാണ് പരുക്ക് പറ്റിയത്. വെള്ളിയാഴ്ച്ച ഉച്ചക്ക് 12 ഓടെ അകലാട് വെച്ചാണ് അപകടമുണ്ടായത്. ഷൗക്കത്ത് എടക്കഴിയൂരിലെ സ്വകാര്യ വിദ്യാലയത്തില്‍ എല്‍.കെ.ജിയില്‍ പഠിക്കുന്ന മകള്‍ ഷഹദയെ എടുത്ത് അവിയൂരിലെ ഭാര്യാ വീട്ടിലേക്ക് പോകുന്നതിനിടെ എതിരെ വന്ന ധനുഷിന്റെ ബൈക്ക് ഇടിക്കുകയായിരുന്നു. പരുക്കേറ്റ മൂന്നുപേരേയും രാജ ആശൂപത്രിയില്‍ പ്രവേശിപ്പിച്ചു. ഷൗക്കത്ത്, ഷഹദ എന്നിവരെ പിന്നീട് തൃശൂര്‍ മെഡിക്കല്‍ കോളജ് ആശുപത്രിയിലേക്ക് മാറ്റി. ഇടത് കാലൊടിയുകയും വിരല്‍ നഷ്ടപ്പെടുകയും ചെയ്ത ഷൗക്കത്തിനെയും തോളെല്ല് പൊട്ടിയ ഷഹദയേയും അടിയന്തിര ശസ്ത്രക്രിയക്ക് വിധേയമാക്കി.