കോഴിക്കോട്: മാസപ്പിറവി കാണാത്തതിനാല്‍ സെപ്തംബര്‍ 2(തിങ്കള്‍) മുഹറം ഒന്നായും മുഹറം പത്ത് (ആശൂറാഅ്) സെപ്റ്റംബര്‍ 11ന് (ബുധന്‍) ആയിരിക്കുമെന്നും ഖാസിമാരായ പാണക്കാട് സയ്യിദ് ഹൈദരലി ശിഹാബ് തങ്ങള്‍, സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, കോഴിക്കോട് ഖാസിമാരായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി, സയ്യിദ് നാസര്‍ ഹയ്യ് ശിഹാബ് തങ്ങള്‍ എന്നിവര്‍ അറിയിച്ചു.

അതേസമയം കാസര്‍കോട്, കാഞ്ഞങ്ങാട് സംയുക്ത മഹല്ല് ജമാഅത്ത് പരിധിയില്‍ പെട്ടസ്ഥലങ്ങളില്‍ മുഹര്‍റം ഒന്ന് ഇന്നലെ ആയും അതടിസ്ഥാനത്തില്‍ ആശൂറാഅ് ദിനം പ്രസ്തുതയിടങ്ങളില്‍ പത്തിന് ചൊവ്വാഴ്ചയായിരിക്കുമെന്നും സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ എന്നിവര്‍ വ്യക്ത്യമാക്കിയിരുന്നു.