തേഞ്ഞിപ്പലം: ഒരു ഡ്രൈവറുമായി വരുന്ന ഗ്യാസ് ലോറികള്‍ക്കെതിരേ കര്‍ശന നടപടി സ്വീകരിക്കുമെന്ന ജില്ലാ കലക്ടറുടെ അറിയിപ്പ് വന്ന് മണിക്കൂറുകള്‍ക്കുള്ളില്‍ നിയമം ലംഘിച്ചെത്തിയ ടാങ്കര്‍ലോറി തടഞ്ഞ് ഐ.ഒ.സി ജനകീയ സമരസമിതി പ്രവര്‍ത്തകര്‍. ദേശീയപാതയില്‍ കഴിഞ്ഞ ദിവസം രാത്രിയിലാണ് നിയമം തെറ്റിച്ചെത്തിയ ലോറികള്‍ സമരസമിതി പ്രവര്‍ത്തകര്‍ തടഞ്ഞത്.
തടഞ്ഞിട്ട് മൂന്നു ടാങ്കറുകള്‍ തേഞ്ഞിപ്പലം പോലിസിലേല്‍പ്പിക്കുകയും ചെയ്തു. പാണമ്പ്ര ഗ്യാസ് ടാങ്കര്‍ അപകടം നടന്ന് ഒരു മാസം കഴിഞ്ഞിട്ടും ഒരു ഡ്രൈവറുമായി വരുന്ന വാഹനം തടയാന്‍ അധികാരികള്‍ക്ക് സാധിച്ചിട്ടില്ല എന്നത് പ്രതിഷേധത്തിനിടയാക്കുന്നുണ്ട്.