കാബൂള്‍: അഫ്ഗാനിലെ കിഴക്കന്‍ പ്രവിശ്യയായ പാക്ടിയയിലെ പള്ളിയില്‍ വെടിവയ്പ്പ്. മൂന്ന് അഫ്ഗാനികള്‍ കൊല്ലപ്പെടുകയും ഒന്‍പതു പേര്‍ക്ക് പരുക്കേല്‍ക്കുകയും ചെയ്തു.

രാത്രി തറാവീഹ് നിസ്‌കാരത്തിനിടെയാണ് വെടിവയ്പ്പുണ്ടായത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.

കാബൂളില്‍ അടുത്തിടെയുണ്ടായ വന്‍ സ്‌ഫോടനത്തില്‍ മരിച്ചവര്‍ക്കു വേണ്ടി ശനിയാഴ്ച പള്ളികളില്‍ പ്രാര്‍ഥന നടത്താന്‍ പ്രസിഡന്റ് അഷ്‌റഫ് ഗനി ആഹ്വാനം ചെയ്തിരുന്നു. പള്ളികളില്‍ ഇവര്‍ക്കു വേണ്ടി നിസ്‌കാരവും നടന്നിരുന്നു. ഇതാവാം ആക്രമണത്തിന് കാരണമെന്നാണ് കരുതുന്നത്.