കാബൂള്‍: യു.എസ് വ്യോമാക്രമണത്തില്‍ രണ്ട് അഫ്ഗാന്‍ സൈനികര്‍ കൊല്ലപ്പെട്ടു. ഹെല്‍മന്‍ഡ് പ്രവിശ്യയില്‍ നടത്തിയ ആക്രമണത്തില്‍ അഫ്ഗാന്‍ ബോര്‍ഡര്‍ പൊലിസില്‍പ്പെട്ട സൈനികരാണ് കൊല്ലപ്പെട്ടത്.

താലിബാന്‍ ഭീകരരുടെ ശക്തികേന്ദ്രമാണ് ഹെല്‍മന്‍ഡ്. ഇവിടെ 14 ല്‍ 10 ജില്ലകളും പിടിച്ചടക്കി വച്ചിരിക്കുകയാണ് താലിബാന്‍.

അഫ്ഗാന്‍ നാഷണല്‍ ഡിഫന്‍സ് സുരക്ഷാ സേനയും നാറ്റോ സേനയും സംയുക്തമായി നടത്തിയ ആക്രമണത്തിലാണ് സൈനികര്‍ കൊല്ലപ്പെട്ടത്. സംഭവത്തില്‍ അന്വേഷണം നടക്കുകയാണെന്ന് അഫ്ഗാന്‍ അധികൃതര്‍ വ്യക്തമാക്കി.