കോതമംഗലം: നിയോജക മണ്ഡലത്തിലെ സര്‍ക്കാര്‍ എയ്ഡഡ് വിദ്യാലയങ്ങള്‍ക്കും ബദല്‍ സ്‌കൂളുകള്‍ക്കും ഐ.സി.റ്റി ഉപകരണങ്ങളുടെ വിതരണവും മികവു പുലര്‍ത്തിയ വിദ്യാലയങ്ങള്‍ക്കും എസ്.എസ്.എല്‍.സി, പ്ലസ്ടു പരീക്ഷകളിലും കലാസാഹിത്യ മേഖലകളില്‍ മികവു തെളിയിച്ച പ്രതിഭകള്‍ക്കും എം.എല്‍.എ അവാര്‍ഡ് നല്‍കി അനുമോദിക്കുന്നു. തിങ്കളാഴ്ച ഉച്ചക്ക് 12ന് കോതമംഗലം സെന്റ് അഗസ്റ്റിയന്‍സ് ഹയര്‍ സെക്കന്ററി സ്‌കൂളിലാണ് അനുമോദന സമ്മേളനം നടക്കുക. കേരള വിദ്യാഭ്യാസ മന്ത്രി പ്രൊഫ.സി രവീന്ദ്രനാഥ് ഉദ്ഘാടനം ചെയ്യും. ആന്റണി ജോണ്‍ എം.എല്‍.എ.അധ്യക്ഷനാകും. ജില്ലാ കളക്ടര്‍ കെ.മുഹമ്മത് വൈ.സഫറുള്ള മുഖ്യ പ്രഭാഷണം നടത്തും.
കോതമംഗലം നിയോജക മണ്ഡലത്തിലെ സര്‍ക്കാര്‍ ഏയ്ഡഡ് വിദ്യാലയങ്ങളെ ശക്തിപ്പെടുത്തി കെയ്റ്റ് പദ്ധതിയി ലൂടെ സമ്പൂര്‍ണ്ണ ഐ.റ്റി.സ്മാര്‍ട്ട് സ്‌കൂള്‍ മണ്ഡലമാക്കി വിദ്യാലയങ്ങളെ രാജ്യാന്തര നിലവാരത്തിലേക്ക് ഉയര്‍ത്താനുള്ള നടപടികളുടെ ഭാഗമായാണ് ഐ.സി.റ്റി ഉപകരങ്ങള്‍ വിതരണം ചെയ്യുന്നതെന്ന് എം.എല്‍.എ.ആന്റണി ജോണ്‍ പറഞ്ഞു.
ഐ.റ്റി സ്മാര്‍ട്ട് സ്‌കൂള്‍ മണ്ഡലമാക്കി മാറ്റുന്നതിനുള്ള പദ്ധതിയാണ് നടന്നു വരുന്ന തെന്ന് ഇതുമായി ബന്ധപ്പെട്ട് വിളിച്ചു ചേര്‍ത്ത വാര്‍ത്താ സമ്മേളനത്തില്‍ എം.എല്‍.എ. ആന്റണി ജോണ്‍പറഞ്ഞു. എം.എല്‍.എയോടെപ്പം എസ്.എസ്.എ.ബി.പി.ഒ.എസ്.എം.അലിയാര്‍, നഗരസഭ കൗണ്‍സിലര്‍ കെ.വി.തോമസ് എന്നിവരും വാര്‍ത്താ സമ്മേളനത്തില്‍ പങ്കെടുത്തു.