കോഴിക്കോട്: ശ്രീനാരായണ ഗുരുവിന്റെ 'നമുക്ക് ജാതിയില്ല' വിളംബരത്തിന്റെ 100-ാം വാര്‍ഷികം സി.പി.എം ജില്ലാ കമ്മിറ്റിയുടെ ആഭിമുഖ്യത്തില്‍ ആഘോഷിക്കുന്നു. ഇതിന്റെ ഭാഗമായി ജില്ലയില്‍ 164 ലോക്കല്‍ കേന്ദ്രങ്ങളിലും പ്രധാന നഗരങ്ങളിലും സാംസ്‌കാരിക സംഗമവും നവോത്ഥാന ഘോഷയാത്രകളും സംഘടിപ്പിക്കും. ചട്ടമ്പിസ്വാമികളുടെയും അയ്യങ്കാളിയുടെയും ജന്മദിനങ്ങളായ 24 മുതല്‍ 28 വരെയാണ് പരിപാടികള്‍ നടക്കുക.
28ന് കോഴിക്കോട് നഗരം കേന്ദ്രീകരിച്ച് സാംസ്‌കാരിക ഘോഷയാത്ര നടക്കും. കലാസാഹിത്യ-സാംസ്‌കാരിക രംഗങ്ങളില്‍ പ്രവര്‍ത്തിക്കുന്നവരുടെ നേതൃത്വത്തിലാണ് എല്ലാ കേന്ദ്രങ്ങളിലും പരിപാടികള്‍ സംഘടിപ്പിക്കുന്നതെന്ന് ജില്ലാ സെക്രട്ടറി പി. മോഹനന്‍ അറിയിച്ചു.