കല്‍പ്പറ്റ: കേരളത്തിലെ മുന്നോക്ക സമുദായത്തില്‍പെട്ട വിദ്യാര്‍ഥികള്‍ക്ക് വിദ്യാഭ്യാസ വായ്പ 10 ലക്ഷം രൂപയായി നിജപ്പെടുത്തണമെന്ന് മുന്നോക്ക സമുദായ സംരക്ഷണ മുന്നണി വയനാട് ജില്ലാ കമ്മിറ്റി സര്‍ക്കാറിനോട് ആവശ്യപ്പെട്ടു.
ഏറ്റവും കൂടുതല്‍ പ്രയാസം അനുഭവിക്കുന്നവരും യാതൊരു തരത്തിലും ആനുകൂല്യങ്ങള്‍ക്ക് അര്‍ഹതയില്ലാതെ അവഗണിക്കപ്പെട്ട മുന്നോക്ക സമുദായത്തില്‍പ്പെട്ട സാധാരണക്കാരുടെ പ്രശ്‌നങ്ങള്‍ സര്‍ക്കാര്‍ അതീവ ഗൗരവത്തോടെ കാണണമെന്നും യോഗം പ്രമേയത്തിലൂടെ ആവശ്യപ്പെട്ടു. സംസ്ഥാന ജനറല്‍ സെക്രട്ടറി സി.എസ് നായര്‍ ഉദ്ഘാടനം ചെയ്തു. കെ. പ്രകാശന്‍ അധ്യക്ഷനായി.
 വി. ഭരതന്‍ സംഘടനാ കാര്യങ്ങള്‍ വിശദീകരിച്ചു.
എ.പി. വാസുദേവന്‍ നായര്‍, കെ. ബാലകൃഷ്ണന്‍, എം.വി.വേണുഗോപാല്‍, കെ.പി. സദാശിവന്‍, രാജഗോപാലന്‍ വാടോത്ത്, രാഗേഷ് തെക്കേ ഒതയോത്ത്, നാരായണന്‍നായര്‍ പുത്തന്‍വീട്ടില്‍, ശിവശങ്കരന്‍നായര്‍ പുഞ്ചവയല്‍, കെ. ബാലന്‍വൈദ്യര്‍, കെ. ദേവദാസന്‍ സംസാരിച്ചു.
കണ്‍വന്‍ഷന്‍ 25ന് ഉച്ചക്ക് രണ്ടിന് കല്‍പ്പറ്റ എം.ജി.ടി ടൂറിസ്റ്റ് ഹോമില്‍ ചേരുമെന്ന് സെക്രട്ടറി അറിയിച്ചു.