കുറ്റ്യാടി: വേളം പെരുവയല്‍ എം.എം മദ്‌റസാ മാനേജ്‌മെന്റ് കമ്മിറ്റി മദ്‌റസാ ശാക്തീകരണ യോഗവും പൊതുപരീക്ഷയില്‍ ഉന്നത വിജയം നേടിയവരെ അനുമോദിക്കലും സൗജന്യ പാഠപുസ്തക വിതരണവും നടത്തി.
സുലൈമാന്‍ ദാരിമി  ഉദ്ഘാടനം ചെയ്തു. സൗജന്യ പാഠപുസ്തക വിതരണം മഹല്ല് പ്രസിഡന്റ് പുത്തൂര്‍ സൂപ്പി ഹാജി നിര്‍വഹിച്ചു. പരീക്ഷയില്‍ ഉന്നത വിജയം നേടിയവര്‍ക്ക് മഹല്ല് സെക്രട്ടറി എം.കെ കരീം ഉപഹാരം നല്‍കി. ജലീല്‍ റഹ്മാനി, റഷീദ് റഹ്മാനി, എ.കെ.കെ അമ്മത്, എ.എം ജലീല്‍, കെ.എം റസാഖ് സംസാരിച്ചു. ഇസ്മയില്‍ ദാരിമി വെള്ളമുണ്ട മുഖ്യപ്രഭാഷണം നടത്തി. ടി.എം റഫീഖ് സ്വാഗതവും ടി.എം സലാം നന്ദിയും പറഞ്ഞു.