തളിപ്പറമ്പ്: ഏഴരക്കുണ്ട് വെള്ളച്ചാട്ടത്തില്‍ ജീവന്‍ പൊലിഞ്ഞുപോയ സഹപാഠികളായ മുഹമ്മദ് യൂനുസ്, അബ്ദുല്ല എന്നിവര്‍ക്കുള്ള സ്മരണാഞ്ജലിയായി പൊതിച്ചോര്‍ വിതരണം ചെയ്തു.
സീതി സാഹിബ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ്, സ്‌കൗട്ട് ആന്‍ഡ് ഗൈഡ് അംഗങ്ങളും മറ്റ് കുട്ടികളും വീടുകളില്‍ നിന്ന് കൊണ്ടുവന്ന മുന്നൂറോളം പൊതിച്ചോറുകള്‍ തളിപ്പറമ്പ് ഗവണ്‍മെന്റ് ആശുപത്രിയിലെ കിടപ്പു രോഗികള്‍ക്കും കൂട്ടിരിപ്പുകാര്‍ക്കും അശരണരായവര്‍ക്കുമാണ് വിതരണം ചെയ്തത്. ഭക്ഷണ വിതരണ ഉദ്ഘാടനം ഡോ. പ്രവീണ്‍ നിര്‍വഹിച്ചു. പ്രിന്‍സിപ്പല്‍ എം. കാസിം, പ്രധാനാധ്യാപകന്‍ പി.വി ഫസലുല്ല, പി.ടി.എ പ്രിസിഡന്റ് താജുദ്ദീന്‍, പി.പി നിസാര്‍, എന്‍.എസ്.എസ് പ്രോഗ്രാം ഓഫിസര്‍ മൊയ്തു പാറമ്മല്‍, കെ.ടി.പി യൂനുസ്, പി. അനിത, എ. ഹസീന ബീവി, എം. അഷ്‌റഫ് നേതൃത്വം നല്‍കി.