തൃശൂര്‍: കാലങ്ങളായി തൃശൂര്‍ പൂരപ്പറമ്പ് കേന്ദ്രീകരിച്ച് മോഷണവും പിടിച്ചുപറിയും നടത്തുന്ന അഞ്ചംഗസംഘത്തെ ഈസ്റ്റ് പൊലിസ് പിടികൂടി. സന്തോഷ് എന്ന വെള്ളെലി(43), സുധീര്‍ (40), അനിയന്‍ ബാവ (40), ജോബി ജോര്‍ജ് (37), കണ്ണന്‍ (49) എന്നിവരാണ് പിടിയിലായ പ്രതികള്‍.
നിരീക്ഷണത്തിലായിരുന്ന ഇവരെ പൊലിസ് കഴിഞ്ഞദിവസം നടന്ന പിടിച്ചുപറിയെ തുടര്‍ന്നാണ് പിന്തുടര്‍ന്ന് പിടികൂടിയത്. പിടിച്ചുപറി സംബന്ധിച്ച് ഈസ്റ്റ് പൊലിസ് കേസ് രജിസ്റ്റര്‍ ചെയ്തു. നാളുകളായി ജനങ്ങള്‍ മോഷണ പരാതി പറയാറുണ്ടെങ്കിലും ഇവര്‍ പൊലിസിനെ വെട്ടിച്ചു ഒളിച്ച് നടക്കുകയായിരുന്നു.
ഇവരെ ഭയമുള്ളതിനാല്‍ ആരും പരാതിപ്പെടാറില്ലെന്ന് പൊലിസ് പറഞ്ഞു. ഈസ്റ്റ് സി.ഐ. കെ.സി. സേതുവിന്റെ നിര്‍ദേശമനുസരിച്ച് സീനിയര്‍ സി.പി.ഒ. സുഭാഷ്, സി.പി.ഒമാരായ സിബു, ഗിരീഷ്, സാം മാര്‍ട്ടിന്‍, ലിഗേഷ്, പ്രശോഭ് എന്നവരടങ്ങിയ സംഘമാണ് പ്രതികളെ പിടികൂടിയത്.