കൊല്ലം: കൊല്ലം പാരിപ്പള്ളിക്ക് സമീപം പുത്തൻകുളത്ത് കെട്ടിടത്തിന്റെ ഭിത്തി തകർന്ന് മണ്ണിടിഞ്ഞിറങ്ങി മണ്ണിനടിയിൽപ്പെട്ട് രണ്ടുപേർ മരിച്ചു. രണ്ടുപേർ രക്ഷപ്പെട്ടു. കല്ലുവാതുക്കൽ ഇടിയംവിള സ്വദേശി രഞ്ജിത്ത്, ഭരതന്നൂർ സ്വദേശി ചന്തു എന്നിവരാണ് മരിച്ചത്.

വിഷ്ണു, സുധി എന്നിവരെ ഫയർഫോഴ്സ് രക്ഷപ്പെടുത്തി. ഇവരെ കൊല്ലം ഗവ. മെഡിക്കൽ കോളജിൽ പ്രവേശിപ്പിച്ചു. കെട്ടിടത്തിൽ കിടന്നുറങ്ങുകയായിരുന്ന ആനപ്പാപ്പാൻമാരായ ഇവരുടെ മുകളിലേക്ക് കെട്ടിടത്തിന്റെ ഭിത്തി തകർന്ന് മണ്ണിടിഞ്ഞ് വീഴുകയായിരുന്നു.

പുലർച്ചെ മൂന്നര മണിയോടെയായിരുന്നു സംഭവം. പ്രദേശത്ത്, രാത്രി ശക്തമായ മഴയായിരുന്നു. ജില്ലാ കളക്ടർ , ചാത്തന്നൂർ എ. സി. പി. തുടങ്ങിയവർ സ്ഥലത്തെത്തി.