HOME
DETAILS

കെജ്‌രിവാളിനെതിരായ മാസങ്ങള്‍ നീണ്ട പടലപ്പിണക്കം; ഒടുവില്‍ അല്‍ക ലാംബ എ.എ.പി വിട്ടു, കോണ്‍ഗ്രസിലേക്ക് തിരിച്ചുപോകുമെന്ന് സൂചന

  
backup
September 06 2019 | 06:09 AM

alka-lamba-quits-aap-in-tweets-with-parting-shot-at-arvind-kejriwal

 

ന്യൂഡല്‍ഹി: മാസങ്ങളോളം പാര്‍ട്ടിയുമായും മുഖ്യമന്ത്രി അരവിന്ദ് കെജ്‌രിവാളുമായും തര്‍ക്കത്തിലായിരുന്ന ഡല്‍ഹി എം.എല്‍.എ അല്‍ക ലാംബ ഒടുവില്‍ എ.എ.പി വിട്ടു.

എം.എല്‍.എമാരുടെ വാട്‌സ്ആപ്പ് ഗ്രൂപ്പുകളില്‍ നിന്ന് പുറത്താക്കിയതും ട്വിറ്ററില്‍ കെജ്രിവാള്‍ അണ്‍ഫോളോ ചെയ്തതും വലിയ ചര്‍ച്ചയായിരുന്നു. അതിനിടെ, കഴിഞ്ഞ ലോക്‌സഭാ തെരഞ്ഞെടുപ്പ് കാലത്ത് ഇവര്‍ പാര്‍ട്ടിക്ക് വേണ്ടി പ്രചരണത്തിനും ഇറങ്ങിയിരുന്നു.

കഴിഞ്ഞദിവസം എ.എ.പി വക്താവ്, ട്വിറ്ററില്‍ കൂടിയാണെങ്കിലും രാജി സ്വീകരിക്കുമെന്ന് പറഞ്ഞുവെന്നും അതിനാല്‍ താന്‍ രാജിവയ്ക്കുകയാണെന്ന് ട്വിറ്ററിലൂടെ അവര്‍ പ്രഖ്യാപിക്കുകയും ചെയ്തു.

'ഖാസ് ആദ്മി പാര്‍ട്ടി' ആയ ആം ആദ്മി പാര്‍ട്ടിയിലെ തന്റെ പ്രാഥമിക അംഗത്വത്തില്‍ നിന്നുള്ള രാജി സ്വീകരിക്കണമെന്ന് ട്വിറ്ററില്‍ അല്‍ക ലാംബ പറഞ്ഞു.

നേരത്തെ കോണ്‍ഗ്രസിലായിരുന്ന ഈ 43 കാരി 2013 ലാണ് എ.എ.പിക്കൊപ്പം ചേര്‍ന്നത്. രണ്ടുദിവസം മുന്‍പ് കോണ്‍ഗ്രസ് അധ്യക്ഷ സോണിയാ ഗാന്ധിയുമായി അവര്‍ കൂടിക്കാഴ്ച നടത്തിയിരുന്നു. രാജ്യത്തെ സംഭവവികാസങ്ങള്‍ ചര്‍ച്ചചെയ്തതെന്നായിരുന്നു അവരുടെ പ്രതികരണം. കോണ്‍ഗ്രസിലേക്കു തന്നെ തിരിച്ചുപോകുമെന്നാണ് സൂചന.


 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."