മണ്ണാര്‍ക്കാട്: മുന്‍ ഇന്ത്യന്‍ ഫുട്‌ബോള്‍ ടീം ക്യാപ്റ്റന്‍ യു. ഷറഫലിയുടെ സാന്നിധ്യം ഗ്രാമപ്രദേശത്തെ കായിക പ്രേമികള്‍ക്കൊപ്പം കായിക താരങ്ങള്‍ക്കും ക്ലബ്ബ് ഭാരവാഹികള്‍ക്കും ആവേശമായി. കുമരംപുത്തൂര്‍ ഗ്രാമപഞ്ചായത്ത് 206-17 വര്‍ഷത്തെ പദ്ധതിയിലുള്‍പ്പെടുത്തി നടപ്പിലാക്കുന്ന ക്ലബ്ബുകള്‍ക്കുള്ള സ്‌പോര്‍ട്‌സ്‌കിറ്റ് വിതരണവും കായിക സെമിനാറും ഉദ്ഘാടനം ചെയ്യാനാണ് തൂശൂര്‍ പൊലിസ് അക്കാദമി കമാന്‍ഡന്റുകൂടിയായ യു. ഷറഫലി കുമരംപുത്തൂര്‍ ചങ്ങലീരിയിലെത്തിയത്.
കായിക താരങ്ങളുടെ ജോലി സാധ്യതയും, പഠനകാര്യങ്ങളിലെ സംവരണവും വിവരിച്ച ഷറഫലി കായിക താരങ്ങള്‍ക്കും, ജനപ്രതിനിധികള്‍ക്കും പുതിയ അറിവ് സമ്മാനിച്ചാണ് മടങ്ങിയത്.
ചങ്ങലീരിയില്‍ നടന്ന പരിപാടിയില്‍ ഗ്രാമപഞ്ചായത്ത് പ്രസിഡന്റ് ഹുസൈന്‍ കോളശ്ശേരി അധ്യക്ഷനായി. മണ്ണാര്‍ക്കാട് സി.ഐ ഹിദായത്തുല്ല മാമ്പ്ര മുഖ്യപ്രഭാഷണം നടത്തി.
ചടങ്ങില്‍ അണ്ടര്‍ 17 കേരള ടീം അംഗവും പ്രദേശവാസിയുമായ ഹാരിസിനെ അനുമോദിച്ചു. ഗ്രാമപഞ്ചായത്ത് വൈസ് പ്രസിഡന്റ് വി. ഉഷ, സ്ഥിരം സമിതി ചെയര്‍മാന്‍ കെ.പി ഹംസ, ബ്ലോക്ക് പഞ്ചായത്തംഗങ്ങളായ ജംഷീല മെഹബൂബ്, എ. രാജന്‍, ഗ്രാമപഞ്ചായത്ത് അംഗങ്ങളായ അര്‍സല്‍ എരേരത്ത്, എം. മുഹമ്മദാലി, വിശ്വേശ്വരി ഭാസ്‌കര്‍, എ.കെ.എ. അസീസ്, കുഞ്ഞിരാമന്‍, ശ്രീകല, ബിന്ദു രാധാകൃഷ്ണന്‍, അസീസ് പച്ചീരി, അബ്ബാസ്, ശാന്തകുമാരി, അബു വറോടന്‍, മുജീബ് മല്ലിയില്‍, ഹംസ കാട്ടികുന്നന്‍, പ്രൊഫ. അബ്ദുല്‍ അലി, ജയമുകുന്ദന്‍, റംല സംബന്ധിച്ചു