കിളിമാനൂര്‍ : സ്‌കൂള്‍ കോളജ് വിദ്യാര്‍ഥികള്‍ക്കും യുവാക്കള്‍ക്കും കഞ്ചാവ് വില്‍പ്പന നടത്തി വന്ന രണ്ടു പേരെ കിളിമാനൂര്‍ എക്‌സൈസ് സംഘം അറസ്റ്റ് ചെയ്തു.
പുളിമാത്ത് താളിക്കുഴി തടത്തരിക്കത്ത് വീട്ടില്‍ വേണു (26), മുളക്കലത്ത്കാവ് അനില്‍ വിലാസത്തില്‍ അനില്‍കുമാര്‍ (31) എന്നിവരാണ് അറസ്റ്റിലായത്.
വേണുവില്‍ നിന്നും 26 ഗ്രാം കഞ്ചാവും അനില്‍കുമാറില്‍ നിന്നും 40 ഗ്രാം കഞ്ചാവും പിടിച്ചെടുത്തു . അനില്‍കുമാര്‍ നിരവധി കഞ്ചാവ് കേസുകളില്‍ പ്രതിയാണ് .
വേണുവിനെ താളികുഴിയില്‍ നിന്നും ,അനിലിനെ മുളക്കലത്ത്കാവിനു സമീപത്ത് നിന്നുമാണ് പിടികൂടിയത്. എക്‌സൈസ് ഇന്‍സ്‌പെക്ടര്‍ ഡി.ആര്‍.സുനില്‍ കുമാറും സംഘവും പിടികൂടിയ പ്രതികളെ കോടതിയില്‍ ഹാജരാക്കി റിമാന്റ് ചെയ്തു .