കോഴിക്കോട്: കൊടുവള്ളി മണ്ഡലത്തില്‍ റോഡുകളുടെ അടിയന്തര നവീകരണ പ്രവൃത്തികള്‍ക്കായി 2.45 കോടി രൂപ അനുവദിച്ചതായി കാരാട്ട് റസാഖ് എം.എല്‍.എ അറിയിച്ചു.
കാപ്പാട് തുഷാരഗിരി റോഡ്്, നെല്ലാങ്കണ്ടി എളേറ്റില്‍ വട്ടോളി റോഡ്, പടനിലം നരിക്കുനി റോഡ്, ഓടുപാറ പാലങ്ങാട് റോഡ്, പുത്തൂര്‍ വേളിമണ്ണ റോഡ് എന്നിവക്ക് അഞ്ച് ലക്ഷം വീതമാണ് അനുവദിച്ചിട്ടുള്‌ലത്. താമരശ്ശേരി ചുങ്കം ബൈപാസ് റോഡിന് മൂന്ന് ലക്ഷവും, മലപുറം തലയാട് റോഡിന് 25 ലക്ഷവും, പൈമ്പാലുശേരി മടവൂര്‍ മുക്ക് റോഡിന് അഞ്ച് ലക്ഷവും എളേറ്റില്‍ വട്ടോളി വള്ളിയോത് റോഡിന് അഞ്ച് ലക്ഷവും പരപ്പന്‍പൊയില്‍ പുന്നശ്ശേരി റോഡിന് മൂന്ന് ലക്ഷവും പൂനൂര്‍ നരിക്കുനി റോഡിന് 25 ലക്ഷവും, കുമാരസ്വാമി റോഡ് ജംഗ്ഷന് 15 ലക്ഷവും നരിക്കുനി ടൗണ്‍ ഡ്രൈനേജ് നിര്‍മാണം എന്നിവക്ക് 25 ലക്ഷവും കെ.ടി.എം.എ.ഇ റോഡ് നവീകരണത്തിന് 54 ലക്ഷവും കെ.ടി.എ റോഡ് നവീകരണത്തിന് 45 ലക്ഷവും കരുവന്‍പൊയില്‍ ആലുംതറ റോഡിന് 10 ലക്ഷവും മാട്ടുപൊയില്‍ എളമക്കല്‍ റോഡിന് അഞ്ച് ലക്ഷവുമാണ് അനുവദിച്ചിരിക്കുന്നത്.