ശ്രീനഗര്‍: പാകിസ്താന്‍ ബോര്‍ഡര്‍ആക്ഷന്‍ ടീമിന്റെ (ബാറ്റ്)നുഴഞ്ഞു കയറ്റം പരാജയപ്പെടുത്തുന്ന വീഡിയോ പുറത്തു വിട്ട് ഇന്ത്യ. ജമ്മുകശ്മീരിലെ കേരന്‍ സെക്ടറില്‍ നുഴഞ്ഞുകയറാന്‍ ശ്രമിക്കുന്നവരെ വധിച്ചതിന്റെ വീഡിയോകളാണ് കരസേന പുറത്തു വിട്ടത്. പാകിസ്താന്‍ സൈന്യവും ഭീകരരും ഉള്‍പ്പെട്ട സംഘമാണ്
ബോര്‍ഡര്‍ആക്ഷന്‍ ടീമായ ബാറ്റ്. കൊല്ലപ്പെട്ട പാകിസ്താന്‍ തീവ്രവാദികളെയും സൈനികോദ്യോഗസ്ഥരെയും വീഡിയോയില്‍ കാണാം.
ആയുധങ്ങളേന്തിയാണ് ഇവര്‍ നുഴഞ്ഞു കയറിയത്.

ഓഗസ്റ്റ് ആദ്യവാരത്തിലാണ് നുഴഞ്ഞു കറാന്‍ ശ്രമിച്ച ഭീകരരെ ഏറ്റമുട്ടലിലൂടെ വധിച്ചത്. വേഷം മാറിയും, അല്ലാതെയും നിയന്ത്രണരേഖയ്ക്ക് സമീപം ആക്രമിക്കാനാണ് ബാറ്റ് സംഘത്തെ നിയോഗിക്കാറ്. പാക് സൈനികരും തീവ്രവാദികളും ബോര്‍ഡര്‍ ആക്ഷന്‍ ടീമിലുണ്ടാകും. പാക് സൈനിക പരിശീലന കേന്ദ്രങ്ങളില്‍ തീവ്രവാദികളെയും പരിശീലിപ്പിക്കാറുണ്ടെന്ന് ഇന്ത്യ പല തവണ അന്താരാഷ്ട്രവേദികളിലടക്കം ശക്തമായി ഉന്നയിച്ചിട്ടുള്ളതുമാണ്.

https://twitter.com/ANI/status/1171022426781696002?ref_src=twsrc%5Etfw%7Ctwcamp%5Etweetembed%7Ctwterm%5E1171022426781696002&ref_url=https%3A%2F%2Fwww.mathrubhumi.com%2Fnews%2Findia%2Findian-army-foiled-infiltration-in-jammu-kashmir-keran-sector-video-released-1.4108259

ദക്ഷിണേന്ത്യയില്‍ ഭീകരാക്രമണ സാധ്യതയെന്ന് സൈന്യത്തിന്റെ മുന്നറിയിപ്പിന് തൊട്ടുപിന്നാലെയാണ് സൈന്യം വീഡിയോ പുറത്ത് വിട്ടത്.