നെയ്യാറ്റിന്‍കര: നിര്‍ത്തിയിട്ടിരിക്കുന്ന വാഹനങ്ങളില്‍ നിന്നും സി.ഡി , പെന്‍ ഡ്രൈവ് , മൊബൈല്‍ ഫോണ്‍ എന്നിവ മോഷണം നടത്തുന്ന പത്തോളം കേസിലെ പ്രതിയെ നെയ്യാറ്റിന്‍കര പൊലിസ് അറസ്റ്റ് ചെയ്തു. നെയ്യാറ്റിന്‍കര പെരുമ്പഴുതൂര്‍ മുട്ടയ്ക്കാട് കുഞ്ചുകുളങ്ങര പുളിയറക്കണ്ടം ഉഷാഭവനില്‍ വിജയന്റെ മകന്‍ ശങ്കറിനെ (20) ആണ് അറസ്റ്റ് ചെയ്തത്.
കഴിഞ്ഞദിവസം പെരുമ്പഴുതൂര്‍ ഭാഗങ്ങളില്‍ നിര്‍ത്തിയിട്ടിരുന്ന കാര്‍ , ഓട്ടോ തുടങ്ങിയ വാഹനങ്ങളില്‍ നിന്നും സി.ഡി പ്ലയര്‍ , പെന്‍ ഡ്രൈവ് , മൊബൈല്‍ ഫോണ്‍ എന്നിവയും പെരുമ്പഴുതൂരിലുളള ഒരു വിട്ടില്‍ നിന്നും ജനാലയുടെ പാളി തുറന്ന് മൊബൈല്‍ ഫോണ്‍ മോഷണം നടത്തിയതുമായ കേസിലാണ് പ്രതി പിടിയിലായത്. വിവിധ ഹോട്ടലുകളില്‍ ഭക്ഷണം കഴിച്ച ശേഷം ചുറ്റി കറങ്ങി നിന്ന് കാഷ്യര്‍ സപ്ലൈയ്ക്ക് പോകുമ്പോള്‍ കാണ്ടറില്‍ നിന്നും പണം മോഷണം നടത്തുന്ന പതിവുമുണ്ട്.