മലപ്പുറം: ഭീഷണിയില്‍ നിന്നും കീഴടക്കലിലേക്ക് ഇന്ത്യയുടെ ഭരണകൂടം മാറിയിരിക്കയാണെന്ന് സി.പി.ഐ സംസ്ഥാന എക്‌സിക്യൂട്ടീവ് കമ്മിറ്റി അംഗം കെ.പി രാജേന്ദ്രന്‍ പറഞ്ഞു. ആര്‍.എസ്.എസ് സംഘപരിവാര്‍ ആക്രമണങ്ങള്‍ക്കെതിരെ എല്‍.ഡി.എഫ് മലപ്പുറത്ത് നടത്തിയ പ്രതിഷേധ കൂട്ടായ്മ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സി.പി.എം ജില്ലാ സെക്രട്ടറി പി.പി വാസുദേവന്‍ അധ്യക്ഷനായി. എല്‍.ഡി.എഫ് ജില്ലാ കണ്‍വീനര്‍ പി.പി സുനീര്‍, ടി.കെ ഹംസ, പുലിയോടന്‍ മുഹമ്മദ്, കെ.എ ജബ്ബാര്‍, കെ.പി ഇസ്മാഈല്‍, എല്‍. മാധവന്‍ സംസാരിച്ചു.