കണ്ണൂര്‍: ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ വര്‍ഷംതോറും നടത്തി വരുന്ന മുഅല്ലിം ദിനാചരണത്തിന്റെ സംസ്ഥാനതല ഉദ്ഘാടനം ഇന്ന് നടക്കും.
വൈകിട്ട് ഏഴിനു മാടായി റെയ്ഞ്ചിലെ മുട്ടം വെങ്ങര റഹ്മാനിയ സെക്കന്‍ഡറി മദ്‌റസയില്‍ സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍ ഉദ്ഘാടനം നിര്‍വഹിക്കും.
ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് മാണിയൂര്‍ അബ്ദുറഹ്മാന്‍ ഫൈസി അധ്യക്ഷനാകും. ഫണ്ട് ഉദ്ഘാടനം പാണക്കാട് സയ്യിദ് സാബിഖലി ശിഹാബ് തങ്ങള്‍ നിര്‍വഹിക്കും. മുസ്തഫ ഹാജി പുതിയങ്ങാടി, ടി.പി ഇബ്രാഹിം ഹാജി ദുബൈ, മൊയ്തീന്‍ ഹാജി ഏഴോം മൂല, ഹാജിറ മുഹമ്മദലി ഹാജി, ബിലാല്‍ മുസ്തഫ ഹാജി എന്നിവരില്‍നിന്ന് സാബിഖലി തങ്ങള്‍ ഫണ്ട് ഏറ്റുവാങ്ങും.
കുടക് അബ്ദുറഹ്മാന്‍ മുസ്‌ലിയാര്‍ മുഖ്യപ്രഭാഷണം നടത്തും. സയ്യിദ് കെ.പി.പി തങ്ങള്‍, അബ്ദുല്‍ ശുക്കൂര്‍ ഫൈസി പുഷ്പഗിരി, പി.ടി മുഹമ്മദ് മാസ്റ്റര്‍, ശഹീര്‍ പാപ്പിനിശ്ശേരി, ഉസ്മാന്‍ ഹാജി വേങ്ങാട്, അഫ്‌സല്‍ രാമന്തളി, വി.പി.പി ഹമീദ്, എസ്.കെ.പി അബ്ദുല്‍ ഖാദര്‍ ഹാജി, എസ്.എ.പി മുഈനുദ്ദീന്‍, എം. ബശീര്‍ മൗലവി സംസാരിക്കും. അബ്ദുസ്സമദ് മുട്ടം സ്വാഗതവും കെ. മൊയ്തീന്‍കുഞ്ഞി ഹാജി നന്ദിയും പറയും.
അലി അക്ബര്‍ ബാഖവി ആസ്വാദന സദസിനും മുഹമ്മദ് ത്വയ്യിബ് അഷ്‌റഫി മജ്‌ലിസുന്നൂറിനും നേതൃത്വം നല്‍കും.
ജുമുഅക്ക് ശേഷം മുട്ടം മഖാം സിയാറത്തിന് അബ്ദുല്‍ കരീം അല്‍ഖാസിമി നേതൃത്വം നല്‍കും. തുടര്‍ന്ന് വെങ്ങര മദ്‌റസ ഓഡിറ്റോറിയത്തില്‍ പി.എം.കെ പക്കര്‍ ഹാജി പതാക ഉയര്‍ത്തും. വൈകിട്ട് നാലിന് മദ്‌റസാ അസംബ്ലി നടക്കും.