ഗൂഡല്ലൂര്‍: ഗൂഡല്ലൂര്‍ വഴി കര്‍ണാടകയില്‍ നിന്ന് കേരളത്തിലേക്ക് കടത്തുകയായിരുന്ന പാന്‍മസാല ഉല്‍പന്നങ്ങള്‍ പിടികൂടി.
മൈസൂരില്‍ നിന്നു ഊട്ടിയിലേക്ക് പോകുന്ന കര്‍ണാടക ട്രാന്‍സ്‌പോര്‍ട്ട് ബസില്‍ മൂന്ന് ചാക്കുകളിലായി സൂക്ഷിച്ച നിലയിലായിരുന്നു 50,000 രൂപ വിലയുള്ള പാന്‍മസാല ഉല്‍പന്നങ്ങള്‍. ഗൂഡല്ലൂര്‍ ബസ് സ്റ്റാന്‍ഡില്‍ എസ്.ഐ ശക്തിവേലുവും സ്‌ക്വാഡും ചേര്‍ന്ന് നടത്തിയ പരിശോധനയിലാണ് പാന്‍മസാല പിടികൂടിയത്. സംഭവത്തില്‍ വയനാട് കുപ്പാടി സ്വദേശി ഷിജോ 37, ചുള്ളിയോട് സ്വദേശി ഹകീം (30) എന്നിവരെ അറസ്റ്റു ചെയ്തു.