സിഡ്‌നി: ആസ്‌ത്രേലിയയിലെ ക്യൂന്‍സ്‌ലാന്‍ഡില്‍ കാട്ടുതീ പടരുന്നു. കഴിഞ്ഞ ദിവസം തുടങ്ങിയ തീപിടിത്തത്തില്‍ ഇതുവരെ ഒട്ടേറെ വീടുകളും വ്യാപാര സ്ഥാപനങ്ങളും 55,000 ഹെക്ടര്‍ ഭൂമിയും നശിച്ചു.
വിക്ടോറിയ, സൗത്ത് ആസ്‌ത്രേലിയ, വെസ്റ്റേണ്‍ ആസ്‌ത്രേലിയ, ന്യൂസിലാന്‍ഡ് എന്നിവിടങ്ങളിലെ രക്ഷാപ്രവര്‍ത്തകരാണ് തീ നിയന്ത്രണവിധേയമാക്കാന്‍ പരിശ്രമിക്കുന്നത്.
തീപിടത്തത്തെ തുടര്‍ന്നു പ്രദേശത്ത് പത്തു ദിവസത്തെ അടിയന്തരാവസ്ഥ പ്രഖ്യാപിക്കുകയും അതീവ ജാഗ്രതാ നിര്‍ദേശം നല്‍കുകയും ചെയ്തിട്ടുണ്ട്. അതേസമയം, പലര്‍ക്കും വീടും സ്വത്തുക്കളുമെല്ലാം നഷ്ടമായെങ്കിലും ആളപായം റിപ്പോര്‍ട്ട് ചെയ്തിട്ടില്ലെന്നാണ് അന്താരാഷ്ട്ര മാധ്യമങ്ങള്‍ വ്യക്തമാക്കുന്നത്.