മുക്കം: പൊതുവിദ്യാഭ്യാസ ശാക്തീകരണം സംബന്ധിച്ച് പ്രതിഭ ഗ്രന്ഥാലയം സെമിനാര്‍ സംഘടിപ്പിച്ചു. മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്റര്‍ ഉദ്ഘാടനം ചെയ്തു. മുക്കം ടി.ടി.ഐ റിട്ട. പ്രിന്‍സിപ്പല്‍ എ.വി സുധാകരന്‍ വിഷയാവതരണം നടത്തി. കെ. രാമചന്ദ്രന്‍ അധ്യക്ഷനായി. നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ കെ.ടി ശ്രീശന്‍, കൗണ്‍സിലര്‍ മുക്കം വിജയന്‍, ലൈബ്രറി കൗണ്‍സില്‍ ജില്ലാ എക്‌സി. അംഗം വി.എം കൃഷ്ണന്‍കുട്ടി, യു.പി അബ്ദുന്നാസര്‍, സിഗ്‌നി ദേവരാജ് സംസാരിച്ചു. സര്‍വിസില്‍നിന്നു വിരമിച്ച എ.വി സുധാകരന്‍, സിഗ്‌നിദേവരാജ് എന്നിവര്‍ക്ക് സ്വീകരണവും നല്‍കി.