പാറക്കടവ് : പുഴയോരത്തെ മണ്ണൊലിപ്പ് തടയുന്നതിന് വേണ്ടി പാറക്കടവ് സഹകരണ അര്‍ബന്‍ സൊസൈറ്റി പുഴയുടെ തീരത്തു മുളവല്‍ക്കരണത്തിന് തുടക്കം കുറിച്ചു. സഹകരണ വകുപ്പിന്റെ ഹരിതം സഹകരണം പദ്ധതിയില്‍ ഉള്‍പ്പെടുത്തിയാണ് തീരം സംരക്ഷിക്കുന്നത്. പദ്ധതി ചെക്ക്യാട് ഗ്രാമ പഞ്ചായത് പ്രസിഡന്റ് തൊടുവയില്‍ മഹമൂദ് ഉദ്ഘാടനം ചെയ്തു.
അര്‍ബന്‍ സൊസൈറ്റി പ്രസിഡന്റ് ഹാരിസ് കൊത്തിക്കുടി അധ്യക്ഷനായി.ഗ്രാമ പഞ്ചായത്ത് വൈസ് പ്രസിഡന്റ് സി.എച് സഫിയ, ബ്ലോക്ക് പഞ്ചായത്ത് അംഗം എ ആമിന ടീച്ചര്‍ , സഹകരണ വകുപ്പ് ഇന്‍സ്‌പെക്ടര്‍ കെ സുസ്മി, പി.കെ ഹനീഫ , സി.കെ ജമീല , വി.വി അച്യുതന്‍ , മാക്കൂല്‍ മമ്മു ഹാജി , യു.പി പ്രദീഷ് , മാക്കൂല്‍ കേളപ്പന്‍, പി ലത്തീഫ് , രഘുനാഥ് മുല്ലേരി, മോഹനന്‍ പാറക്കടവ് പ്രസംഗിച്ചു.