കോഴിക്കോട്: റിയാദ് കോഴിക്കോട് ജില്ലാ മുസ്‌ലിം ഫെഡറേഷന്‍ ഏര്‍പ്പെടുത്തിയ മൂന്നാമത് പണ്ഡിത പ്രതിഭാ പുരസ്‌കാര സമര്‍പ്പണം നാളെ വൈകു. 4 മണിക്ക് കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും. സമസ്ത കേന്ദ്ര മുശാവറ അംഗവും സൂഫീ വര്യനുമായ വാവാട് കുഞ്ഞിക്കോയ മുസ്‌ലിയാര്‍ക്കാണ് മൂന്നാമത് പുരസ്‌കാരം. കേരളത്തിനകത്തും പുറത്തും ആത്മീയ വേദികളിലെ നിറസാന്നിധ്യമായ ഉസ്താദ് നിരവധി മഹല്ലുകളുടെ ഖാസി കൂടിയാണ്.

2014 മുതല്‍ ഒന്നിടവിട്ട വര്‍ഷങ്ങളില്‍ നല്‍കുന്ന ഈ പുരസ്‌കാരത്തിന് പ്രഥമമായി തെരഞ്ഞെടുക്കപ്പെട്ടത് മര്‍ഹൂം പാറന്നൂര്‍ പീ പി ഇബ്രാഹിം മുസ്‌ലിയാരെയായിരുന്നു. തുടര്‍ന്ന് 2016ലെ അവാര്‍ഡ് പാറന്നൂര്‍ ഉസ്താദ് സ്മാരകമാക്കുകയും സമസ്ത കേന്ദ്ര മുശാവറ അംഗം ചേലക്കാട് മുഹമ്മദ് മുസ്‌ലിയാര്‍ തെരഞ്ഞെടുക്കപ്പെടുകയുമുണ്ടായി. 50001 രൂപയും പ്രശസ്തി പത്രവുമടങ്ങുന്നതാണ് പുരസ്‌കാരം.

മതരംഗത്തെ സേവനവും പാണ്ഡിത്യവും പരിഗണിച്ചാണ് സമ്മാനിക്കുന്നത്. കോഴിക്കോട് ജില്ലാ എസ്.കെ.എസ്.എസ്.എഫ് കമ്മിറ്റിയുടെയും SKIC റിയാദ് കമ്മിറ്റിയുടെയും നിയന്ത്രണത്തില്‍ റിയാദില്‍ പ്രവര്‍ത്തിക്കുന്ന സംഘടനയാണ് കെ.ഡി.എം.എഫ് റിയാദ്. സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുകോയ തങ്ങള്‍ പുരസ്‌കാരം സമ്മാനിക്കും.

സയ്യിദ് മുബശ്ശിര്‍ തങ്ങള്‍ ജമലുല്ലൈലി അധ്യക്ഷനാകും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി അനുഗ്രഹ പ്രഭാഷണം നടത്തും. സിംസാറുല്‍ ഹഖ് ഹുദവി അബൂദാബി മുഖ്യപ്രഭാഷണം നടത്തും. സമസ്ത കേന്ദ്ര മുശാവറ അംഗങ്ങളായ ഉമര്‍ ഫൈസി മുക്കം, എ.വി അബ്ദുറഹിമാന്‍ മുസ്‌ലിയാര്‍, പി.ടി എ റഹീം എം.എല്‍.എ, എം.സി മായിന്‍ ഹാജി, മുസ്തഫ മാസ്റ്റര്‍ മുണ്ടുപാറ, സത്താര്‍ പന്തലൂര്‍ കെ.മോയിന്‍ കുട്ടി മാസ്റ്റര്‍, നാസര്‍ ഫൈസി കൂടത്തായി, മുന്‍ എം.എല്‍.എമാരായ സി.മോയിന്‍ കുട്ടി, വി.എം ഉമര്‍ മാസ്റ്റര്‍, സി.എച്ച് സെന്റര്‍ സെക്രട്ടറി എം.എ. റസാഖ് മാസ്റ്റര്‍ തുടങ്ങിയവര്‍ അനുമോധന പ്രസംഗം നടത്തും. സമസ്തയുടെയും കീഴ്ഘടകങ്ങളുടെയും ജില്ലാ നേതാക്കള്‍ സംബന്ധിക്കും.

പത്രസമ്മേളനത്തില്‍ പങ്കെടുത്തവര്‍:

1. സയ്യിദ് മുബശ്ശിര്‍ തങ്ങള്‍ ജമലുല്ലൈലി
(പ്രസിഡന്റ് SKSSF കോഴിക്കോട് ജില്ല)

2. ഒ.പി അഷ്‌റഫ് കുറ്റിക്കടവ്
(ജന. സെക്രട്ടറി, SKSSF കോഴിക്കോട് ജില്ല)
4. മുസ്തഫ ബാഖവി പെരുമുഖം
(മുഖ്യ രക്ഷാധികാരി KDMF റിയാദ്)
5 മൂസ കുട്ടി നെല്ലിക്കാപറമ്പ്
(പ്രസിഡന്റ് KDMF റിയാദ്)
6. സമദ് പെരുമുഖം
(മുന്‍ പ്രസിഡന്റ് KDMF റിയാദ്)