കൊളത്തൂര്‍: മൂര്‍ക്കനാട് പള്ളിക്കടവില്‍ നിന്നും അനധികൃത മണല്‍ക്കടത്തിനു വേണ്ടി ഉപയോഗിച്ചിരുന്ന അഞ്ചു തോണികള്‍ കൊളത്തൂര്‍ പൊലിസ് പിടികൂടി നശിപ്പിച്ചു. ഇന്നലെ രാവിലെ ആരംഭിച്ച പരിശോധന ഉച്ചയോടെയാണ് അവസാനിച്ചത്.
എസ്.ഐ രവീന്ദ്രന്‍, അഡീ. എസ്.ഐ രാമകൃഷ്ണന്‍, എ.എസ്.ഐ ബോസ്, സ്പഷ്യല്‍ സ്‌ക്വാഡ് ഉദ്യോഗസ്ഥര്‍ തുടങ്ങിയവരാണു സംഘത്തിലുണ്ടായിരുന്നത്.
പിടിച്ചെടുത്ത തോണികള്‍ റവന്യൂ അധികൃതര്‍ക്കു കൈമാറി. തുടര്‍ന്നു ജെ.സി.ബി വാഹനം ഉപയോഗിച്ചു നശിപ്പിച്ചു.