.

മക്ക: നിലവിലെ ഉംറ സീസണ്‍ ശവ്വാല്‍ 15 വരെയാക്കി ഹജ്, ഉംറ കാര്യമന്ത്രാലയം ദീര്‍ഘിപ്പിച്ചു. നേരത്തെ നിശ്ചയിച്ചത് പ്രകാരം റമദാന്‍ 15ന് തീരുമായിരുന്ന കാലാവധിയാണ് ഒരു മാസം കൂടി മന്ത്രാലയം വര്‍ധിപ്പിച്ചത്. ഇക്കാര്യം വ്യക്തമാക്കി ബന്ധപ്പെട്ട വകുപ്പുകള്‍ക്കും അംഗീകൃത ഉംറ സര്‍വിസ് കമ്പനികള്‍ക്കും സ്ഥാപനങ്ങള്‍ക്കും കത്ത് അയച്ചു. സീസണ്‍ ശവ്വാല്‍ 15 വരെ ദീര്‍ഘിപ്പിക്കാന്‍ അനുമതി ലഭിച്ചതായി അസിസ്റ്റന്റ് അ@ണ്ടര്‍ സെക്രട്ടറി എന്‍ജി. അബ്ദുല്‍ അസീസ് ബിന്‍ അസ്അദ് ദമന്‍ഹൂരി വ്യക്തമാക്കി.
മൂന്ന് ലക്ഷം ഉംറ വിസ ഈ സീസണില്‍ അധികമായി അനുവദിച്ചിട്ടു@ണ്ട്. കാലാവധി നീട്ടിയതോടെ വിദേശ തീര്‍ഥാടകരുടെ എണ്ണം 70 ലക്ഷമായി ഉയരുമെന്നാണ് പ്രതീക്ഷയ്ക്കുന്നത്. പാകിസ്താന്‍ (12,58,000), ഈജിപ്ത് (8,33,000) ഇന്തോനേഷ്യ (5,440,000) എന്നിവിടങ്ങളില്‍ നിന്നാണ് കൂടുതല്‍ തീര്‍ഥാടകര്‍ ഈ വര്‍ഷമെത്തിയത്.