എടക്കര: 2015 -16 വര്‍ഷത്തെ കേരള സര്‍ക്കാരിന്റെ ആരോഗ്യ കേരളം പദ്ധതിയില്‍ എടക്കര പഞ്ചായത്ത് മികച്ച പഞ്ചായത്തിനുള്ള പുരസ്‌കാരം കരസ്ഥമാക്കി. 2015- 16ല്‍ പഞ്ചായത്തില്‍ നടപ്പാക്കിയ വിവിധ ആരോഗ്യ പ്രവര്‍ത്തനങ്ങള്‍ മുന്‍നിര്‍ത്തിയാണ് പുരസ്‌കാരം. തിരുവനന്തപുരത്ത് നടന്ന ചടങ്ങില്‍ മുഖ്യമന്ത്രി പിണറായി വിജയനില്‍ നിന്നു പഞ്ചായത്ത് പ്രസിഡന്റും സംഘവും രണ്ട് ലക്ഷം രൂപയും പ്രശസ്തിപത്രവും ട്രോഫിയും ഏറ്റുവാങ്ങി.
പുരസ്‌കാരം പുരസ്‌കാരം ലഭിച്ച ജില്ലയിലെ ഏക പഞ്ചായത്താണ് എടക്കര.
പഞ്ചായത്ത് പ്രസിഡന്റ് ആലീസ് അമ്പാട്ട്, വൈസ് പ്രസിഡന്റ് കബീര്‍ പനോളി, പഞ്ചായത്തംഗങ്ങളായ ആയിഷക്കുട്ടി,സന്തോഷ് കപ്രാട്ട്, ദീപ ഹരിദാസ്, ഡോ. എ.എം കബീര്‍, ഹമീദ് തുടങ്ങിയവര്‍ പങ്കടുത്തു.