പരപ്പനങ്ങാടി: ധാര്‍മികബോധമുള്ള സമൂഹസൃഷ്ടിക്ക് മദ്‌റസാ അധ്യാപകരുടെ സേവനം നിസ്തുലമാണെന്ന് കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി പറഞ്ഞു. ചെട്ടിപ്പടി റെയിഞ്ച് ജംഇയ്യത്തുല്‍ മുഅല്ലിമീന്‍ ശില്‍പശാല ചിറമംഗലം മിസ്ബാഹുല്‍ ഉലൂം മദ്‌റസയില്‍ ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍.
ഭൗതിക വിദ്യാഭ്യാസത്തിന്റെ പ്രസരിപ്പ് മതവിദ്യാഭ്യാസത്തെ ബാധിച്ചിട്ടുണ്ടെന്നും അതുകൊണ്ട് തന്നെ സമൂഹത്തില്‍ ധാര്‍മികസമൂഹം ഇനിയുള്ള കാലഘട്ടത്തിന് അനിവാര്യമാണെന്നും തങ്ങള്‍ കൂട്ടിച്ചേര്‍ത്തു. മുഫത്തിഷ് കുഞ്ഞിമൊയ്തീന്‍ മുസ്‌ലിയാര്‍ ചേളാരി അധ്യക്ഷനായി. കെ.എച്ച് കോട്ടപ്പുഴ ശില്‍പശാലക്ക് നേതൃത്വം നല്‍കി. സയ്യിദ് യഹിയ തങ്ങള്‍ ജമലുല്ലൈലി, നൗഷാദ് ചെട്ടിപ്പടി, മന്‍സൂര്‍ അശ്‌റഫി, പി.വി ശൈഖാലി ചിറമംഗലം, സൈതലവി ഫൈസി സംസാരിച്ചു.