തിരൂര്‍: പ്രകൃതിസംരക്ഷണ സന്ദേശമുയര്‍ത്തി സൈക്കിളില്‍ ഗോവയിലേക്ക് പോയി വന്നവര്‍ക്ക്  ശനിയാഴ്ച ജില്ലാ ആസ്ഥാനത്ത് സ്വീകരണം. പ്രകൃതിസംരക്ഷണവും സൈക്കിള്‍ യാത്രയും പ്രോത്സാഹിപ്പിക്കുന്നതിനായി യൂത്ത് ഹോസ്റ്റല്‍ അസോസിയേഷന്‍ ഓഫ് ഇന്ത്യ ജില്ലാ കമ്മിറ്റിയുടെ ആഭിമുഖ്യത്തിലായിരുന്നു സൈക്കിളിലുള്ള ഗോവ യാത്ര. ' മഴവെള്ളം സംഭരിക്കൂ വരള്‍ച്ചയെ അകറ്റൂ, മരങ്ങള്‍ നട്ട് മണ്ണിനെ രക്ഷിക്കൂ, വലിച്ചെറിയല്‍ സംസ്‌കാരം വെടിയൂ' എന്ന സന്ദേശങ്ങളുയര്‍ത്തിയായിരുന്നു 700 കിലോ മീറ്റര്‍ ദൈര്‍ഘ്യമുള്ള സൈക്കിള്‍ യാത്ര.
യാത്ര കഴിഞ്ഞ് മടങ്ങിയെത്തിയവര്‍ക്ക് ശനിയാഴ്ച രാവിലെ 9.30ന് മലപ്പുറം ഡി.ടി.പി.സി ഹാളില്‍വച്ച് മുന്‍ ടൂറിസം മന്ത്രി എ.പി അനില്‍കുമാര്‍ എം.എല്‍.എ സര്‍ട്ടിഫിക്കറ്റുകള്‍ നല്‍കും.