റിയാദ്: സംഘര്‍ഷം നടക്കുന്ന യമനില്‍ നിന്നും വന്‍തോതില്‍ ആയുധങ്ങള്‍ സഊദിയിലേക്ക് അതിര്‍ത്തി വഴി കടത്താനുള്ള ശ്രമം അതിര്‍ത്തി സുരക്ഷാ സേന തകര്‍ത്തു. സഊദി സുരക്ഷാ സേനയുടെ കീഴിലുള്ള മുജാഹിദീന്‍ ഗ്രൂപ്പാണ് വിവിധ തരത്തിലുള്ള ആയുധങ്ങള്‍ കടത്താനുള്ള ശ്രമം തകര്‍ത്തത്. ദായിര്‍ ഹുദൂദിയ്യ അതിര്‍ത്തിയിലെ അഷര്‍മ പര്‍വ്വതം വഴിയാണ് ഇത് കടത്താനുള്ള ശ്രമം നടന്നതെന്ന് ജിസാന്‍ മുജാഹിദീന്‍ ഗ്രൂപ്പ് മേധാവി ഖാലിദ് ഖുസൈസ് പറഞ്ഞു. വിവിധ തരത്തിലുള്ള ആയുധങ്ങള്‍, 20 പിസ്റ്റളുകള്‍, 1300 കലാനിഷ്‌കോവ് തോക്കുകള്‍, 40 ആയുധശേഖരണ കിറ്റുകള്‍ എന്നിവയാണ് പിടികൂടിയത്.