കാഞ്ഞങ്ങാട്: നഴ്‌സിനെ ആശുപത്രിയില്‍ കയറി കുത്തിക്കൊലപ്പെടുത്താന്‍ ശ്രമിച്ച സംഭവത്തില്‍ യുവാവിനെ പൊലിസ് അറസ്റ്റ് ചെയ്തു. പരപ്പ സ്വദേശിയായ ആദിത്യനേയാണ് (28) ഹൊസ്ദുര്‍ഗ് പൊലിസ് അറസ്റ്റ് ചെയ്തത്.

കാഞ്ഞങ്ങാട് അതിഞ്ഞാലിലെ സ്വകാര്യ ആശുപത്രിയില്‍ നഴ്‌സായ മടിക്കൈ എരിങ്കുളത്തെ യുവതിയാണ് ഇയാളുടെ അക്രമത്തിന് ഇരയായത്. ആശുപത്രിയില്‍ അത്രിക്രമിച്ച് കടന്ന ഇയാള്‍ നഴ്‌സിന്റെ കഴുത്തറുക്കാന്‍ ശ്രമിക്കുകയായിരുന്നു. ഇതിനിടയില്‍ യുവതി ഒഴിഞ്ഞ് മാറിയതിനാല്‍ ആദിത്യന്റെ ശ്രമം വിഫലമായി. ആദിത്യനെ പൊലിസ് വൈകുന്നേരത്തോടെ കോടതിയില്‍ ഹാജരാക്കും